أفكارمختلفة لتنظيم بيتك و حياتك

التنظيف و اعمال المنزل

أفكارمختلفة لتنظيم بيتك و حياتك

أفكار بسيطة ، ممكن تكون بتتوه عن بالك .. جمعت لك مجموعه نصائح للترتيب و التنظيم ، لتساعدك علي وصول أسرع لما تبحثين عنه ..

أفكارمختلفة لتنظيم بيتك و حياتك

القاعدة الأولي للتنظيم .. تخلصي من الكراكيب ، و ما انت لست بحاجه له
يمكنك قراءة هذا الموضوع
تخلصي من الأكسسوارات و التوك التي لا تحتاجينها ( أما بالتبرع ، أو التخلص منها تماما حسب حالتها ) .
تخلصي من فرد الشرابات التي لا تجدين زوجها ، نفس الكلام ينطبق علي الملابس ، الأسكارفات …. .
أقرأي أيضا
أفحصي محفظتك و حقيبتك ، و تخلصي مما ليس له فائدة ( فواتير قديمة ، أوراق لست بحاجه لها الأن … ) ، و يمكنك الحصول علي حافظة صغيرة الحجم لترتيب أغراضك بها .
رتبي درج الأوراق بالبيت ، و تخلصي من الورق الغير هام ( قطعيه أذا كان به معلومات شخصية ) قبل أن ترميه .
جمعي ملف به الأوراق الهامه ، كلمات السر الخاصه بك ، و ضعيه في مكان أمن ، و اخبري به زوجك أو أحد أفراد الأسرة ، لأستعماله في حالة الطوارئ .
أحتفظي بنوت ، أكتبي بها الأهداف و الأعمال التي يجب عليكي تنفيذها خلال أسبوع أو شهر .. و ضعيها معك في حقيبتك دائما ، لتذكرك بما عليك عمله .
حددي اهدافك ، و جدولك ، ورتبي وقتك و أمكانياتك علي أساسه ( عزومات .. رحلات .. دراسه .. ) و حددي ألأولويات ، و لا تبدأي في أي منها ، الا بعد دراسه الموضوع جيدا و حساب الوقت و الميزانيه الخاصة به .
جهاز الكمبيوتر الخاص بك بحاجه ايضا للتنظيم .. تخلصي من كل الملفات التي لا تحتاجينها بمراجعه دوريه له كل فتره ، و لا تنسي عمل نسخ أحتياطيه لملفاتك و صورك المهمه أول بأول علي هارد خارجي ، أو فلاشه .
جمعي كروت البقالة ، الصيدليه ، الدليفري لكل طلباتك ، في حافظة كروت ، و وضعها قريبا من الهاتف لحين الحاجه أليها عند الطوارئ .
جمعي كل أوراق أجهزتك للصيانه ، و تخلصي من القديمة ، و جمعيها في ملف واحد لحين أستخدامها حين الحاجه

19 طريقة مبتكرة و غير مكلفة علشان تخلى بيتك مريح اكتر

كل ما الجو يبقى برد بره البيت، بنميل لاننا نقعد فى البيت وقت اطول، و علشان كده بتحتاجى دايما يكون بيتك مريح اكتر و بتحبي تجددى فيه و تغيرى فى الديكورات و الالوان، ولان التغيير ده ممكن يبقى مكلف و مجهد جدا، علشان كده فى المقال ده هنقولك على افكار كتيرة و مختلفة تقدرى تجددي بيها بيتك و تخليه مريح اكتر وبمجهود بسيط ..

19 طريقة مبتكرة و غير مكلفة علشان تخلى بيتك مريح اكتر

1-استخدمى الابواب القديمة مساحة للتخزين :

واحده من الافكار المبتكرة جدا و المختلفة هى انك تستخدمى الابواب القديمة كمساحة للتخزين فى بيتك، ممكن تستخدمى اى باب قديم و تغيرى لونه و تحطيه فى اى زاوية عندك فى البيت تكون فاضية و تستخدميه كمساحه تحطى عليها كتب او تحف تكملى بيها ديكور البيت.

استخدمى الابواب القديمة مساحة للتخزين
2- ورق حائط بصفحة من كتابك المفضل :

ممكن كمان لو انتى لسه بتجهزى شقتك او بتجددى الديكورات فيها تعملى ديزاين جديد من ورق الحائط، اعملى ورق حائط بصفحة من كتابك المفضل !

ورق حائط بصفحة من كتابك المفضل
3- مشاية بالوان مبهجة :

متقلليش من قدرة الالوان المبهجة على انها تخلى يومك حلو و تغير من المود بتاعك، اعملى مشاية صغيرة من بقايا القماش اللى عندك او اشترى مشاية بألوان مبهجة علشان تكملى بيها الديكور الداخلى لاى اوضة عندك فى البيت.

4- لمسة سحرية للزرع :

علب الزرع العادية شكلها بقى تقليدى و ممل! غيرى شكل الزرع بتاعك و خلى شكله حلو بأنك تجددى قصارى الزرع بتاعتك و تخلى شكلها مختلف بانك تلونيها او تزينيها بخيوط الوانها مختلفة .

5- صوانى باشكال جديدة للاكل :

صوانى الاكل بتعتبر من اقل الحاجات اللى بنهتم بيها فى البيت، لكن انتى ممكن تستخدمى صوانى الاكل فى انها تخلى بيتك مريح اكتر و يبقى شكلها مبهج للعين، حاولى تشترى صوانى اكل شكلها مختلف او بتصاميم جديدة و حلوة.

6- بطانية علشان لما الجو يسقع :

مفيش احلى من بطانية معمولة بايدك فى البيت تدفى بيها لما الجو يسقع، و لو مبتعرفيش تعمليها بايدك اشترى بطانية صغيرة بلون هادى تدفيكى لما الجو يبقى برد.

7- شكل جديد للحيطة اللى عند المكتب :

المساحة فوق مكتبك ممكن تعملى بيها حاجات كتيرة و تنفذى عليها افكار مختلفة، علشان كده فكرى ازاى تغير شكلها و تخليها اضافة لديكور بيتك، جربى تستخدمى الصور و الشماعات و الالوان المختلفة علشان تستغلى المساحة دى.

8- مخدات بألوان الباستيل :

مخدات زى دى هتدى حياة للمكان اللى محطوطة فيه بألوانها المختلفة، و الحلو فى الموضوع انك مش مضطرة تشترى اكياس جديدة للمخدات دى، كل اللى عليكى تعمليه تستخدمى صبغات قماش بألوان مختلفة و تسيبى نفسك تلونى .

9- مكاتب موفرة للمساحات :

حتى اصغر مساحة فى بيتك ممكن تبقى مكتب و توفرى بيه مساحة و يبقى مكان مناسب جدا تخلصى فيه شغلك، جربى تستخدمى مكاتب بحجم صغير علشان توفرى بيها مساحة.

10- اعملى ديكور للرف بالمساطر :

حتى المسطرة ممكن تستخدميها علشان تخلى بيتك مريح اكتر ، جربى تزينى اى رف او شماعه عندك فى البيت بالمساطر !

11- ساعه مختلفة :

ساعه بشكل مختلف هتخلى شكل اى اوضة اشيك و احلى، المهم تختارى ديزاين يناسب الديكور.

12- رفوف هندسية :

جربى تستبدلى الشكل المعتاد للرفوف بأنك تعملى رفوف بأشكال و تصاميم هندسية، الاشكال و التصميمات دى مبتنتهيش و حلوة جدا و ممكن كمان تغيرى فى الالوان .

13- باسكت بشكل جديد :

بتكلفة قليلة جدا ممكن تغيرى شكل اى باسكت عندك فى البيت بانك تستخدمى خيوط ملونة و تغيرى فى شكل الباسكت، الطريقة دى بتثبت انه الشكل الحلو مش لازم يبقى مكلف .

14- ستاير للسرير :

انك تضيفى ستاير للسرير بتاعك مش حاجه صعبة و هتحلى اوضة نومك و هتخليها رومانسية اكتر! جربى تضيفى ستاير بألوان مختلفة لسريرك و شوفى الفرق .

15- طقم شاى تبهرى بيه ضيوفك :

حتى المانيكير القديم ممكن نستخدمه فى تغيير ديكور البيت، استخدمى المانيكير بتاعك فى انك تضيفى الوان و اشكال مختلفة على طقم الشاي الابيض بتاعك و ابهرى بيه ضيوفك .

16- شماعات من الطبيعة لهدومك :

ممكن تستخدمى اجزاء من فروع الاشجار المتكسرة فى انك تعملى منها شماعه من الطبيعه لهدومك، هيبقى شكلها مختلف جدا و كمان مريح لعينيكى.

17- ستاير بشكل جديد :

جه الوقت انك تغيرى من الشكل و الالوان التقليدية للستاير اللى احنا متعودين عليها، جربى تعملى ستاير بتصاميم بسيطة لكن كمان بشكل مختلف و جديد و الوان دافية، الستاير من الحاجات الاساسية فى اى ديكور و هتساعدك تخلى بيتك مريح اكتر .

18- اباجورة باضاءة دهبية :

سبراى دهبى هيساعدك تحولى اضاءة اى اباجورة عندك فى البيت تماما، استخدمى السبراى الدهبى فى انك تلونى بيه الاباجورة من جوه و تعملى اضاءة بلون دهبى مختلف .

19- background بفكرة جديدة :

ممكن تعلقى صور كتيرة جدا على الحيطة، لكن الفكرة كلها فى ترتيب الصور دى. اعملى background بفكرة جديدة بأنك ترتبى صور ذكرياتك و اللى بتحبيهم بشكل مختلف و جديد.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *